ကြုံဆုံခဲ့ရတဲ့ အဖြစ်အပျက်ကို သေချာ ပြန်တွေးကြည့်လိုက်တော့ လွန်ခဲ့တဲ့ (၂၀၀၉) ခုနှစ်တုန်းကပေါ့။ အဲ့ဒီ အချိန်တုန်းက ကျွန်တော်က မန္တလေး သတင်းစာတိုက်မှာ အလုပ်ဝင်နေချိန်ပါ။ တစ်ညတော့ အချိန်မတော်ကြီး ကျွန်တော်တို့ သတင်းစာတိုက်က အထက်အရာရှိက သူ့အစ်မဆီသွားမလို့ အဖော်မပါလို့ လိုက်ခဲ့ပါဦး ဆိုပြီး ဂျစ်ကားနဲ့ခေါ်သွားပါတယ်။မသွားခင်မှာ ကျူံးအရှေ့ဘက် အင်းဝဟော်တယ်ဘေးက ဘီယာဆိုင်မှာ ကျွန်တော်တို့ ဆရာတပည့်နှစ်ယောက်သား တခွက်တဖလား ဘီယာဝင်သောက်ခဲ့ကြတယ်။ ည(၁၂) နာရီထိုးတော့ ကျွန်တော့် ဆရာက သွားကြစို့ ဆိုပြီး ဆိုင်ကထွက် ကားပေါ်တက်၊ စက်နှိုးလို့ ခရီးဆက်ခဲ့ကြပါရော။ ကျွန်တော်ကလည်း ဆရာသမား ခေါ်လို့သာ လိုက်ချလာတာ။ ဘယ်သွားမယ်ဆိုတာလည်း မသိ၊ မေးလည်း မမေးမိပါဘူး။ အဲဒါနဲ့ မန္တလေးတောင်ကိုပတ်ပီးတော့ မန္တလေး - မတ္တရာ ကားလမ်းကိုမောင်းထွက်လာခဲ့တယ်။ အဲ့ဒီအချိန်ထိလည်း ကျွန်တော့်ဆရာကို သူဘယ်သွားမယ်ဆိုတာ မမေးမိသေးဘူး။ တောင်ပြုံးနားရောက်ခါနီးကျမှ ကျွန်တော်လည်းမေးမိတယ်။ "ဆရာ ဘယ်သွားမှာတုန်း မတ္တရာသွားမလို့လား???"...ဆိုတော့ "ဟုတ်ဖူး ကြာနီကန်သွားမှာ...."တဲ့ ဒီတော့မှ ကျွန်တော်လည်း လန့်သွားတယ်။ မူးနေတဲ့ အရှိန်လေးတောင် ဘယ်ရောက်သွားမှန်းမသိတော့ဘူး။ အဲ့ဒီအချိန်တုန်းက ကြာနီကန်က နာမည်ကြီးပဲလေ။ အခြောက်အလှန့်ကြမ်းတယ် ဆိုပြီး နာမည်ဆိုးနဲ့ ကျော်ကြားနေတာ။ ကျွန်တော်လည်း မေးလိုက်တယ်... ဘာသွားလုပ်မှာတုန်း???....ဆိုတော့ "သုသာန်ရဲ့ ဟိုဘက်နားမှာ အမျိုးသမီးကူးစက်ရောဂါထိန်းသိမ်းရေးစခန်း ရှိတယ်လေ အဲ့ဒီမှာ ငါ့အစ်မက အရာရှိကွ။ သူ့ဆီကို နယ်ကပစ္စည်းတွေသွားပေးရမှာ..." ဆိုပဲ။ "ဟာ!! ဆရာသမားရယ်... ပစ္စည်းပေးတာများ နေ့လည်ဘက် အားတဲ့အချိန်သွားပေးရနေတာပဲ ဘာလို့ခုချိန်ကြီးသွားတာတုန်း????? " လို့ တပည့်ဖြစ်သူ ကျွန်တော်က စောဒက တက်လိုက်မိတော့ ကျွန်တော့် အာစရိက ယမကာအရှိန်လေးနဲ့ မျက်လုံးလေးစင်းပြီး ပြန်ဖြေတာက..... " အားမှမအားတာ............." တဲ့လေ။ ဒီလိုနဲ့ ကြာနီကန်ရွာရောက်ပြီး သုဿာန်ဘက်ချိုးတဲ့လမ်းရောက်တော့ ချိုးလိုက်ရောဗျာ။ အဲဒီ လမ်းကွေ့နားလေးမှာ ကျောက်ဆစ်လုပ်ငန်းအသေးစားလေးတွေရှိတယ်ဗျ။ ကျောက်ဆစ်လုပ်ငန်းလုပ်တဲ့အိမ်လေးတွေ ကျော်လာတော့ ကျွန်တော်တို့ ကားရှေ့ကို ဘယ်ကနေ ဘယ်လိုပေါ်လာမှန်း မသိလိုက်ပဲ ကောင်မလေးတစ်ယောက် ရုတ်တရက် ဖြတ်ပြေးတယ်။ အကျီအနီ ၊ထမီအနီလေးနဲ့ ဆယ်ကျော်သက်အရွယ်သာသာပဲ ရှိဦးမယ်ထင်ပါတယ်။ ကားကို ဘရိတ်အုပ်ဖို့ အချိန်လည်း မမီတော့ဘူး။ အဲ့ဒါကြောင့် ကျွန်တော့်ဆရာလည်း ကားစတီယာရင်ကို အတင်းဆွဲလှည့်ပြီး ကားကို လမ်းဘေးဆွဲချပီးမှ လမ်းပေါ်ပြန်တင်လိုက်တယ်။ "ဝုန်း...."ဆိုတဲ့အသံကြီး ကြားလိုက်ရတော့ ကျွန်တော်က "ဟာ တိုက်ပီဆရာ စောနကောင်မလေးကို တိုက်လိုက်ပီထင်တယ် "ဆိုပြီး ဆရာ့ကိုပြော.....။ ဆရာလည်း ကားကိုရပ်ပြီး ဆရာနဲ့ကျနော်နဲ့ နောက်လှည့်ကြည့်လိုက်တာ ကောင်မလေးကိုမတွေ့ဘူး။ ကားနဲ့ ကြိတ်မိပြီး ကားအောက်ထဲမှာများ အသက်ပျောက်နေပလား ထင်ပြီး ဆရာတပည့်နှစ်ယောက် ကားပေါ်ကဆင်းပီးတော့ ဓါတ်မီးနဲ့ လျှောက်ရှာကြည့်ကြတယ်။ ကားရှေ့က ဘန်ပါကြီးကတော့ ပိန်သွားတယ်။ စိတ်ထဲက မကျေနပ်သေးတာနဲ့ ကားပတ်ပတ်လည်ကို ဓါတ်မီးနဲ့ လျှောက်ထိုးပြီးရှာကြည့်တယ်။ ဘာမှမတွေ့တာနဲ့ ဆရာက... "ဘာမှဖြစ်ပါဘူး ငါ့တို့မျက်စိမှားတာနေမှာပါ" ဆိုပီး ကားပေါ်တက်တော့ ခွေးဟောင်သံကြားလို့ နောက်လှည့်ကြည့်လိုက်တယ်။ ကျွန်တော်တို့ကားနဲ့ ဝါးတစ်ပြန်လောက်မှာ ခွေးနက်ကြီးတစ်ကောင် ကျွန်တော်တို့ကားကိုကြည့်ပီး စူးစူးဝါးဝါးထိုးဟောင်တော့တာပဲဗျာ။ ကျွန်တော်တို့လည်း ကြောက်အားလန့်အားနဲ့ ကားပေါ်အမြန်ပြန်တက်ပြီး ဇွတ်မောင်းထွက်လာလိုက်တာ ကားဘီးလိမ့်ရုံပဲရှိသေးတယ်။ လမ်းဘေးနားကနေ အဘိုးကြီးတစ်ယောက်ထွက်လာပြီးတော့... "ဘာမှမဖြစ်ဘူး ဆက်သွား..... ဘာမှမဖြစ်ဘူး။ နောက်လှည့်မကြည့်နဲ့" ........ဆိုပြီး လှမ်းအော်ပြောတယ်။ မကြည့်နဲ့ဆိုရင် ပိုပြီး ကြည့်ချင်တတ်တဲ့ လူ့စိတ်သဘာဝအတိုင်း ကျွန်တော်လည်း မနေနိုင် မထိုင်နိုင် ကားနောက်ကြည့်မှန်ထဲကနေ ကြည့်မိလိုက်တော့ ခွေးနက်ကြီးက ကျနော်တို့နောက်ကို ပြေးလိုက်လာတယ်။ "ဆရာ ခွေးနက်ကြီးလိုက်လာတယ် မောင်းမောင်း ဆရာမောင်း "ဆိုတော့ ဆရာက မောင်းနေရင်းနဲ့ နောက်ပြန်လှည့်ကြည့်မိတယ်။ အဲ့ဒီလို လှည့်အကြည့်မှာ သူ့မြင်ကွင်းထဲမှာ အဘိုးကြီးရယ်၊ အကျီအနီနဲ့ကောင်မလေးရယ်၊ ခွေးနက်ကြီးရယ် ယှဉ်ပီးရပ်နေတာတွေ့တော့ ကြောက်အားလန့်အားနဲ့ အသကုန်မောင်းလာခဲ့တာများဗျာ.... မောင်းချက်က မ.ထ.သ (၃၅) ဘတ်စ်ကားလိုင်းက ကားဆရာတွေတောင် သူ့ကို အဖေခေါ်ရလောက်တယ်။ ဆရာ့အစ်မရှိတဲ့ ကူးစက်ရောဂါထိန်းသိမ်းရေးစခန်းဆီ ရောက်မှပဲ သက်ပြင်းချနိုင်တော့တယ်။ ဒါနဲ့ ဆရာ့အစ်မဆီမှာ ခဏနား ပစ္စည်းတွေပေးပြီး ပြန်ခါနီးမှ ဆရာက လမ်းမှာကြုံလာတဲ့အကြောင်းကို သူ့အစ်မကိုပြောပြလိုက်တယ်။ ဆရာ့အစ်မက..... "နင်တို့နှစ်ယောက် သရဲခြောက်ခံလာရတယ် ထင်တယ် "....ဆိုပြီးပြောပါလေရော။ ဆရာ့အစ်မပြောတာကတော့ ကောင်မလေးကော အဘိုးကြီးကော ခွေးပါ တစ်ယောက်ထဲပဲတဲ့။ ပုံစံအမျိုးမျိုးပြောင်းပီး စ နောက် နေတာတဲ့။ ဘာမှ ထိခိုက်အောင်တော့ မလုပ်ပါဘူး။ စရုံ နောက်ရုံလောက်ပဲ ခြောက်တာပါတဲ့။ ဒီတော့မှ ကျွန်တော်တို့ ဆရာတပည့်နှစ်ယောက်သား တကယ်ကြီး သရဲခြောက်ခံရမှန်းသိတော့တယ်။ ဆရာက သူ့အစ်မကို... " ကျွန်တော်တို့ နှစ်ယောက်တော့ ဒီည မပြန်တော့ဘူး။ ဒီမှာပဲ အိပ်မယ် ....."ဆိုတော့ ဆရာ့အစ်မက "ဟဲ့!!! ဘယ်ဖြစ်မှာလဲ??? ဒီမှာမိန်းကလေးတွေချည်းပဲ။ ယောက်ျားလေး ညအိပ်လက်ခံလို့မရဘူး။ နင်တို့ နားမလည်ဘူးလား???" ဘာညာဆိုတော့ ဆရာက " သိဘူးဗျာ အစ်မကလဲ..... ကျနော်တို့က မောင်နှမတွေပဲဟာ ပြီးတော့ အမက ဒီစခန်းမှာ အရာရှိပဲဟာ။ ရအောင်လုပ်ပေး။ မပြန်တော့ဘူး" ဆိုပြီး ဇွတ်ကပ်နေတော့တာပဲ။ ကျွန်တော့် စိတ်ထဲမှာလည်း သရဲအခြောက်ခံရပြီးသားလမ်းကနေ ညကြီး အချိန်မတော် ဖြတ်မပြန်ချင်တော့ဘူး။ နောက်ဆုံးတော့ ကျွန်တော့်ဆရာသမား သူ့အစ်မကို မရမက အပူကပ်တာနဲ့ ဆရာ့အစ်မအိမ်မှာပဲ တည အိပ်ခွင့် ရလိုက်ပါတယ်။ ဒါနဲ့ အဲ့ဒီမှာတစ်ညအိပ်ပီး မနက်အစောကြီးထပြန်ဖို့ စီစဉ်လိုက်ရော။ မနက်နိုးတော့ ကားကိုပြန်စစ်ကြည့်တာ ညက ကျနော်တို့နှစ်ယောက်လုံးတွေ့တဲ့ ပိန်နေတဲ့ဘန်ပါကြီးက ဘာမှမဖြစ်ဘူးဗျာ။ အကုန်အကောင်း။ ဘာဆိုဘာမှမဖြစ်တော့ နှစ်ယောက်သားကြည့်ပြီး ကျောချမ်းနေကြတယ်။ ခုပြန်ရမှာတောင် မနက်ကျလုပ်စရာရှိလို့ စောစောပြန်ရမှာ။ နို့မို့ဆို နေမြင့်မှပြန်မလို့။ ပြန်မယ်ဆိုပီး ဆရာ့အစ်မကိုနှုတ်ဆက်ပြီး ကားမောင်းထွက်လာတယ်။ လာတဲ့လမ်းမဟုတ်ပဲ ပုသိမ်ကြီးဘက်ကပြန်မလို့ ကားခေါင်းတည်လိုက်တော့ နောက်ကနေ ဆရာ့အစ်မက လှမ်းမေးတယ်။ "ဟဲ့!!! နင်တို့ဘယ်လမ်းက ပြန်မလို့လဲ??? ဒီလာတဲ့လမ်းကပြန်တာမဟုတ်ဘူး... နီးနေတာကို"... ဆိုတော့ ဆရာက..... "အဲ့ဒီ့လမ်းက မပြန်ရဲတော့ဘူးဗျာ။ ကြောက်လို့ ..."လို့ပြောလိုက်တော့ ဆရာ့အစ်မက ပြန်ပြောတယ်။ "ဒီလမ်းကပြန်ရင် နင်တို့ နေ့လည်ခင်းတောင်ပြန်ရောက်မှာမဟုတ်ဘူး လူတအားပြတ်တယ် သရဲတွေကလဲ နေ့ခင်းတောင်ခြောက်တယ် နင်တို့ပြန်ရဲရင်ပြန်ပေါ့"..... ဆိုတော့ ဆရာ့မျက်နှာ မအီမသာနဲ့ လာရာလမ်းသာပြန်ကွေ့ခဲ့ရပါတယ်ဗျာ။ ညက ကျွန်တော်တို့ ဆရာတပည့်နှစ်ယောက် သရဲနဲ့တွေ့လာခဲ့တဲ့ နေရာနားရောက်ကာနီးလာလေလေ.. ဆရာက ကားကိုအသကုန်မောင်းပါလေလေ...။ အဲ့ဒီနားအရောက်မှာ ကြံကြံဖန်ဖန် နှစ်ယောက်လုံး ကြားလိုက်ရသေးတယ်။ အဘိုးကြီးတစ်ယောက် ချောင်းဟန့်သံ အဟမ်း….အဟမ်း….. တဲ့။ ဆရာနဲ့ ကျွန်တော် တစ်ယောက်မျက်နှာတစ်ယောက်ကြည့်ပီး ဆရာကလည်း မိုင်ကုန်မောင်း ကျွန်တော်လည်း မျက်လုံးကိုဇွတ်မှိတ်ပီး ရသမျှ ဘုရားစာတွေကို အမြီးအမောက်မတည့် ရွတ်ပီး လိုက်လာတယ်။ ဘယ်လိုမောင်းလို့မောင်းမှန်းတောင် မသိတော့ဘူးဗျာ မန္တလေးကို ခဏနဲ့ပြန်ရောက်လာတာပဲ။ ရုံးကိုရောက်လို့ ကားပေါ်က ဆင်းဆင်းချင်းပဲ ကျွန်တော် ဆရာ့ကို တစ်ခါတည်းအပြတ်ပြောလိုက်တယ် ။ "ဆရာ...နောက်တခါ ကြာနီကန်ဆို ကျွန်တော့်ကို မခေါ်နဲ့….ဘယ်အချိန်ဖြစ်ဖြစ်…မလိုက်ဘူး..။ ဆရာမကျေနပ်လို့ အလုပ်ထုတ်ရင်လည်း ကျွန်တော် အလုပ်ဖြုတ်ခံမယ်။….အဲ့ဒီ လမ်းကိုနောက်ခါ မလိုက်ပါရစေနဲ့ ဆရာရယ်" လို့ --------------------------------------------------------------------------------- ဒီအဖြစ်အပျက်မှာ ပါခဲ့တဲ့ ကျွန်တော့်ဆရာသမားရော၊ သူ့အစ်မရော ... အခုတော့ မန္တလေး မှာ မရှိကြတော့ပါဘူး။ ရေကြည်ရာ မျက်နုရာ ပြောင်းရွှေ့ရင်း တခြားအရပ်မှာ အခြေကျနေကြပါပြီ။ ခင်ဗျားတို့ရော ကြာနီကန်လမ်းမှာ ခရီးဖော် လိုက်ချင်ကြရင်ပြောနော်။ ကျွန်တော့်ကိုတော့ လာမခေါ်ကြနဲ့။ လာခေါ်ရင်တော့ သေခန်းပြတ်ပြီသာမှတ်လိုက်။ ------------------------------------------------------------------------------------- နာမည် မတပ်ပါနဲ့ဆိုလို့ အမည်မဖော်ပဲ ကျေးဇူးတင်လိုက်ပါတယ်။ ဘယ်ခေါ်ခေါ် ခရီးဖော်လိုက်ရန် စိတ်ကူးတောင် မရှိသူ (အက်ဒမင်-ရွာတော်ရှင်)
