"ဘုရားပွဲက အပြန်၊ အမှန်အကန် ကြုံတဲ့တည"

"ဘုရားပွဲက အပြန်၊ အမှန်အကန် ကြုံတဲ့တည"

 တစ်ခါတုန်းကပေါ့။ မန္တလေးမြောက်ဘက်နားမှာရှိတဲ့ မြို့တစ်မြို့မှာ အမှတ်(၅)ဘုရားပွဲ ကျင်းပတယ်။အဲ့ဒီဘုရားပွဲကို ရန်ကင်းရပ်က လူတစ်စုက ဘုရားလည်သွားကြတယ်(ဒယ်အိုးဆရာတော် ဥူးသုမင်္ဂလ လေသံနဲ့ပြောကြည့်လိုက်တာပါ... အများစုကတော့ ဘုရားဖူးသွားတယ်လို့ပဲ ပြောတတ်ကြတယ်)။ အားလုံးပေါင်း ၁၅ ယောက်လောက်ရှိမယ်။ လူကြီး သုံးယောက်နဲ့ ၁၀ နှစ် ၁၂ နှစ် ဝန်းကျင်လေးတွေချည်းပဲ။ လူကြီးသုံးယောက်ထဲက နှစ်ယောက်က ယောက်ျား၊ တစ်ယောက်က မိန်းမ။ ဘုရားပွဲကနေ ည ၁၁ နာရီလောက်ပြန်လာတော့ အမှတ်(၅)ကနေ သူတို့နေတဲ့ ရန်ကင်းကိုပြန်ရောက်ဖို့ လမ်းက သုံးလမ်းရှိတယ်။ တစ်လမ်းက မြို့မလမ်း..။ အဲ့ဒီလမ်းက အမှတ်(၅)၊ အမှတ်(၁)၊ အမှတ်(၃)၊ အမှတ်(၂)တွေကိုဖြတ်သွားမှ ရောက်တယ် ဝေးတယ်။ နောက်တစ်လမ်းက ရွှေပုထိုးသုသာန်လမ်း ။ အမှတ်(၅)နဲ့ အမှတ်(၂)ပဲဖြတ်သွားရမှာ။ ဒါပေမဲ့ လမ်းကွေ့လမ်းကောက်များတယ်။ နောက်တစ်လမ်းက ဘုန်းကြီးကျောင်းတွေ သိမ်တွေရဲ့ ကြားကနေဖြတ်ပြန်ရမဲ့လမ်း၊ လမ်းကျဉ်းတယ်၊ တိုလဲတိုတယ် ဖြတ်လမ်းလဲဖြစ်တယ်၊ ခဏနဲ့ပြန်ရောက်မယ်ဆိုပီး အဲ့ဒီလမ်းကနေပြန်ကြဖို့ ရွေးသွားလိုက်ကြတယ်။ အဲ့ဒီလူအုပ်ထဲက အမျိုးသမီးကို ဘုရားပွဲက သူ့အသိအိမ်ကနေ ဝက်သားအသားတွဲ တစ်တွဲလက်ဆောင်ဆိုပီး ပေးလွှတ်လိုက်တယ်။ အဲ့ဒီ အမျိုးသမီးကလည်း ကိုယ်ပြန်လာရတဲ့ အချိန်က ညပိုင်းဖြစ်နေတာ မေ့မေ့လျော့လျော့ဖြစ်ပြီး ယူလာမိတယ်။ အပုတ်ချိန်ဆိုတာကိုသတိမရမိဘူး။ လူကြီးနှစ်ယောက်ကတော့ ယူလာမှန်းကိုမသိတာ။ဒီလိုနဲ့ စောနကပြောတဲ့ ဘုန်းကြီးကျောင်းကြားလမ်းထဲကနေဖြတ်ပြန်လာကြတယ်။ ကလေးတွေက ရှေ့က၊ ကလေးတွေအနောက်က အဲ့ဒီအမျိုးသမီးနဲ့ သူ့သားအငယ်နဲ့။ အနောက် ခပ်လှမ်းလှမ်းမှာမှ လူကြီးနှစ်ယောက်က လိုက်လာတယ်။ လျှောက်လာရင်းနဲ့ အမျိုးသမီးက သူ့လက်ထဲက အသားတွဲကိုကိုင်ရတာ လေးလေးလာတယ်ဆိုပီး စိတ်ထဲထင်နေမိတယ်။ ပြီးတော့ အနောက်ကနေပြီးတော့ တစ်ယောက်ယောက်ကဆွဲထားတယ်ဆိုပီး အောက်မေ့နေတာ။ အနောက်လှည့်ကြည့်တော့လည်း ခပ်လှမ်းလှမ်းက လူကြီးနှစ်ယောက်ကလွဲလို့ ဘယ်သူမှမရှိဘူး။ ဒီလိုနဲ့ တစ်အောင်လေ့ာက်ကြာတော့ အမျိုးသမီးက ခွေးအူသံတွေ စကားပြောသံတွေ ကြားရရောတဲ့။ သူက သူတို့လို ဘုရားပွဲလာတဲ့သူတွေပဲမှတ်တာတဲ့။ ဒါနဲ့ဆက်လျောက်လာတယ်။ တစ်နေရာရောက်တော့ အသားတွဲကို သိသိသာသာကို ဆွဲတော့တာပဲတဲ့။ မိန်းမကြီးက လူကြီးနှစ်ယောက်ကိုလှမ်းပြောလိုက်တယ်။ ကျွန်မ အသားတွဲကို အနောက်ကနေ ဆွဲဆွဲနေတယ်။ လှည့်ကြည့်တော့လည်း ဘယ်သူမှမရှိဘူးဖြစ်နေလို့ ကျမ မဆွဲရဲတော့ဘူးတဲ့။ ဒီတော့မှပဲ လူကြီးနှစ်ယောက်လည်း အသားတွဲပါလာမှန်းသိတော့တယ်။ သိလဲသိရော အဲ့ဒီအမျိုးသမီးကို မိုးမွှန်အောင်ကို ဝိုင်းဆဲတော့တာပဲတဲ့။ဒီလိုလမ်းမှာ ဒီလိုအသားတွဲယူလာစရာလား ဘာဖြစ်တယ်၊ ညာဖြစ်တယ်ပေါ့ဗျာ။တချိန်တည်းမှာပဲ ရှေ့ဆုံးကသွားနေတဲ့ ကလေးတွေလည်း အနောက်ကအသံကြားတာကြောင့်ရော၊ အရှေ့မှာ ဘာမြင်ရလို့လဲမသိဘူး။အနောက်ကို ပြန်လှည့်ပြေးလာကြတယ်။ ကလေးတွေက လူကြီးတွေကိုပြောတယ်။ အရှေ့ကအုတ်တံတိုင်းမှာ မဲမဲကောင်လေးတွေ လေးယောက်လောက် ထိုင်နေတယ်တဲ့။ သူတို့ကို လိုက်ကြည့်နေလို့တဲ့။လူကြီးနှစ်ယောက်လည်း နည်းနည်းစိတ်ထဲထင့်သွားပီး တစ်ယောက်က ပါလာတဲ့ ဒုတ်တွေဓါးတွေနဲ့ လေထဲကို ထိုးခုတ်ပြီး မိုးမွှန်အောင်ပတ်ဆဲတော့တာပဲဗျာ။ ကျန်တဲ့ တစ်ယောက်က အသားတွဲထဲက နည်းနည်းခုတ်လှီးပီး အနောက်ကိုလွှတ်ပစ်လိုက်တယ်။ ပါးစပ်ကလည်း ငါတို့ကိုမနှောင့်ယှက်နဲ့ ။ မင်းတို့အတွက် ဒီလောက်တော့ယူထားလိုက် လို့ပြောပြီး လွှတ်ပစ်လိုက်တာ။ ကလေးတွေရော လူကြီးတွေရော တစ်စုတစ်ဝေးထဲပြန်လာကြတယ်။ ပြန်လာတုန်း နောက်ဆုံးမှာနေတဲ့ လူကြီးနှစ်ယောက်ရဲ့ အနောက်မှာ ဖိနပ်သံတွေ၊ ပြေးလိုက်လာတဲ့အသံတွေကြားရပါလေရော။ အဲဒါနဲ့ လူကြီးနှစ်ယောက်က ရှေ့ကလူတွေကို မှာတယ်။ ရတဲ့ဘုရားစာသာရွှတ်တော့ တစ်ယောက်မှ ထွက်မပြေးနဲ့ ပုံမှန်ပဲလျှောက်။ ဘေးကိုလည်းမကြည့်နဲ့ ။အနောက်လဲလှည့်မကြည့်နဲ့ ဆိုပြီးမှာတယ်။ အဲလိုနဲ့ ဆက်လျှောက်လာတော့ ဘုန်းကြီးကျောင်းလမ်းရဲ့အဆုံးနားရောက်ခါနီးမှ အလယ်လောက်ကနေ လျှောက်လာတဲ့ကလေးတစ်ယောက် ဗြုန်းဆိုရပ်ပီး..... ကျနော်ဗိုက်ဆာတယ်။ မဝသေးဘူး ထပ်ကျွေးအုံး ဆိုပြီး အသံသြသြကြီးနဲ့ပြောပါလေရော။ အမျိုးသမီးကြီးနဲ့ ကလေးတွေက မရိပ်မိသေးဘူး စောစောကမှ ဘုရားပွဲမှာ နင်းကန်အောင်စားလာပြီးပြီ။ ဘာခုမှထပ်ဗိုက်ဆာတာလဲ ဆိုပြီး ဝိုင်းပြောကြပါလေရော။ ကလေးလေးကလည်း ဗိုက်ဆာတယ် မဝသေးဘူးပဲပြောနေတာ။ နောက်ဆုံးက လူကြီးနှစ်ယောက်လည်းသိသွားရော တစ်ယောက်နဲ့ တစ်ယောက်ကြည့်ပီး စောနက ဆဲတဲ့လူတစ်ယောက်ကပြေးထွက်လာပီး ကလေးကို ပိတ်ရိုက်တော့တာပဲ။ :D မင်းလားကွ ဗိုက်ဆာတယ်ဆိုတာ မင်းလား ??? ဆိုပီး နားရင်းတွေ နားဘန်တွေချည်းပဲ ပိတ်တီးပစ်ကြတာများ မယားပါသားကို ပထွေးနှိပ်စက်နေသလားတောင် မှတ်ရလောက်တယ်။ ဒီလောက် ရိုက်နှက်ခံနေရတာတောင်မှဗျာ... အဲ့ဒီ ကလေးလေးက ငိုလည်းမငိုဘူး။ ရိုက်တဲ့သူကို မျက်ထောင့်နီကြီးနဲ့ကြည့်ပီး မင်းတွေ့မယ်။ ငါ့အကြောင်းသိမယ် ဆိုပြီး လက်ညှိုးထိုးပြောတော့တာပဲ။ လူကြီးနောက်တစ်ယောက်က သူ့လူသူ ဝင်ဆွဲပြီး စိတ်ထိန်းဖို့ပြောတာ။ ဒါ သူ့နယ်ထဲရောက်နေတာ ကိုယ်ထင်ရာကို မလုပ်ဖို့ စိတ်ထိန်းဖို့ နားချနေတာ ပြီးတော့ သူကပဲ ဘေးနားပတ်ကြည့်ပီး ကြိုးရှာတယ်။ ဘယ်သူလွှင့်ပစ်ထားမှန်းမသိတဲ့ ဖုန်းကြိုးအဟောင်းတွေလည်းတွေ့ရော အမြန်ကောက်ယူပြီး စောနက သရဲဝင်ပူးတဲ့ ကောင်လေးကို ကြိုးနဲ့တုပ်ခေါ်သွားတယ်။ အဲလိုနဲ့ တစ်လမ်းလုံး ဘုရားစာတွေရွှတ်ပြီး လျှောက်လာကြတာ သူတို့နေတဲ့ ရန်ကင်းထဲရောက်တော့မှ ရန်ကင်းဘုန်းကြီးကျောင်းဆီတန်းသွားကြရော။ ဟိုရောက်တော့ ဘုန်းကြီးက မရှိတော့ ကပ္ပိယဆီက ပရိတ်ရေစွန့်တယ်။ ကလေးကလည်း............ ငါ့ကိုလွှတ်ပေး ငါဗိုက်ဆာတယ် ငါ့ကိုဝက်သားကျွေး ဘာညာနဲ့ ဆူညံနေတာပဲ။ မင်းကိုကျွေးစရာ ဝက်သားတော့မရှိဘူး ဒါပဲရှိတယ်ဆိုပြီးတော့ ဒေါသကြီးတဲ့ လူကြီးက ပရိတ်ရေနဲ့ပက်တော့တာပဲ။ ကလေးလေးကလည်း ပူတယ် ပူတယ်ဆိုပီး အော်နေတာ။ ကျန်တဲ့လူကြီးနဲ့ ဘုန်းကြီးကျောင်းသားတွေ၊ ကိုရင်တွေက သရဲဝင်ပူးတဲ့ကလေးကိုထိန်းရ။ ဒေါသကြီးတဲ့လူကြီးကိုထိန်းရနဲ့ အလုပ်တွေရှုပ်ကုန်ကြပါလေရော။ အခြေအနေငြိမ်သွားမှ လူကြီးက ဒါလေးသောက်လိုက်ဆိုပြီး ပရိတ်ရေတိုက်လိုက်တော့မှ ကလေးလေးလည်း ပျော့ခွေပြီး လဲကျသွားတယ်။ ပြီးတော့ သတိရလာလို့မေးကြည့်တာ ဘာမှမမှတ်မိဘူးတဲ့ သူအိပ်ပျော်သွားတယ်ထင်နေတာတဲ့။ အဲဒါနဲ့ ဘုရားပွဲကပြန်လာတဲ့သူတွေအားလုံး ကလေး၊လူကြီးအကုန်လုံး ပရိတ်ရေသောက်ပြီး ကိုယ့်အိမ်ကိုပြန်အိပ်လိုက်ကြတယ်။ နောက်တစ်ရက် ဘုန်းကြီးကပြန်ရောက်လာတော့ ဟိုဒေါသကြီးတဲ့လူကြီးကိုခေါ် ပြောရတယ်။ နောက်တခါ အဲ့လိုဟာမျိူးနဲ့တွေ့ရင် ဒေါသမကြီးဖို့ မှာပြီးတော့ မင်းကသရဲကို ဒီလိုလုပ်ထားတာ မင်းကံနိမ့်တဲ့အခါကျရင် သူတို့ကမင်းကိုပြန်လုပ်လိမ့်မယ်။ မင်းခုလောလောဆယ် (၁၀) ရက်ဖြစ်ဖြစ် ဘုန်းကြီးဝတ်ပါ.... ဆိုပီး ဇွတ်သင်္ကန်းစီးပေးတယ် ပြီးတော့ အဲ့ဒီနေရာကိုသွားပြီး ဆဲဆိုခဲ့တဲ့အတွက် တောင်းပန်လိုက်...........ဆိုပီးပြောနေတာ အဲ့ဒီလူက ကျိန်းနေသေးတယ်။ သူလူပြန်ချွတ်တဲ့နေ့ အဲဒီလမ်းထဲသွားပြီး သရဲတွေကိုစိန်ခေါ်အုံးမှာ ဘာညာနဲ့ ဘုန်းကြီးက သူ့ထပ်ကြမ်းပြမှ သူလည်းငြိမ်သွားတော့တယ်။ ----------------------------------------------------------------------------------------------------- အဲဒါ ကျနော်တို့မြို့မှာ ဖြစ်ရပ်မှန်ဗျ မနှစ်ကဖြစ်သွားတာ မြို့နာမယ်တော့ မထည့်တော့ဘူးနော် မကောင်းတတ်လို့ပါ ကျေးဇူးတင်ပါတယ် ကိုသျှန်ဝေ ဒေါသမကြီးချင်သူ (အက်ဒမင်-ရွာတော်ရှင်)